Lingashtaka Stotram लिंगाष्टक स्तोत्रम्

Lingashtaka Stotram 
Lingashtaka Stotram is in Sanskrit. It is a very pious stotra of God Shiva. We are celebrating Mahashivratri on 17th Feb. 2015. Hence for God Shiva devotees for others also this stotra is uploaded.

लिंगाष्टक स्तोत्रम्
ब्रह्ममुरारिसुरार्चितलिंगं निर्मलभासितशोभितलिंगम् ।
जन्मजदुःखविनाशकलिंगं तत्प्रणमामि सदाशिवलिंगम् ॥ १ ॥
देवमुनिप्रवरार्चितलिंगं कामदहं करुणाकरलिंगम् ।
रावणदर्पविनाशनलिंगं तत्प्रणमामि सदाशिवलिंगम् ॥ २ ॥
सर्वसुगंधिसुलेपितलिंगं बुद्धिविवर्धनकारणलिंगम् ।
सिद्धसुरासुरवंदितलिंगं तत्प्रणमामि सदाशिवलिंगम् ॥ ३ ॥
कनकमहामणिभूषितलिंगं फणिपतिवेष्टितशोभितलिंगम् ।
दक्षसुयज्ञविनाशनलिंगं तत्प्रणमामि सदाशिवलिंगम् ॥ ४ ॥
कुंकुमचंदनलेपितलिंगं पंकजहारसुशोभितलिंगम् ।
संचितपापविनाशनलिंगं तत्प्रणमामि सदाशिवलिंगम् ॥ ५ ॥
देवगणार्चितसेवितलिंगं भावैर्भक्तिभिरेव च लिंगम् ।
दिनकरकोटिप्रभाकरलिंगं तत्प्रणमामि सदाशिवलिंगम् ॥ ६ ॥
अष्टदलोपरिवेष्टितलिंगं सर्वसमुद्भवकारणलिंगम् ।
अष्टदरिद्रविनाशितलिंगं तत्प्रणमामि सदाशिवलिंगम् ॥ ७ ॥
सुरगुरुसुरवरपूजितलिंगं सुरवरपुष्पसदार्चितलिंगम् ।
परात्परं परमात्मकलिंगं तत्प्रणमामि सदाशिवलिंगम् ॥ ८ ॥
लिंगाष्टकमिदं पुण्यं यः पठेच्छिवसन्निधौ ।
शिवलोकमवाप्नोति शिवेन सह मोदते  ॥ ९ ॥

॥ इति श्रीलिंगाष्टकस्तोत्रं संपूर्णम् ॥

Lingashtaka Stotram 

लिंगाष्टक स्तोत्रम्

Custom Search