ShriMat Shankaracharya Racit Shri Ganapati Stotra is in Sanskrit. It is created by shriMat Shankaracharya.
श्रीमत् शंकराचार्यरचित श्रीगणपति स्तोत्रम्
सुवर्णवर्णसुन्दरं सितैकदन्तबन्धुरं ।
गृहीतपाशकांकुशं वरप्रदाभयप्रदम् ।।
चतुर्भुजं त्रिलोचनं भुजंगमोपवीतिनं ।
प्रफुल्लवारिजासनं भजामि सिन्धुराननम् ॥ १ ॥
किरीटहारहारकुंडलं प्रदीप्तबाहुभूषणं ।
प्रचंडरत्नकंकणं प्रशोभिताङ्घ्रियष्टिकम् ।।
प्रभातसुन्दाराम्बररद्वयप्रधारिणम् ।
सरलहेमनूपुरं प्रशोभिताङ्घ्रिपंकजम् ॥ २ ॥
सुवर्णदण्डमण्डितप्रचण्डचारुचामरं ।
गृहप्रतीर्णसुन्दरं युगक्षणं प्रमोदितम् ।।
कवीन्द्रचित्तरञ्जकं महाविपत्तिभञ्जकं ।
षड्क्षरस्वरुपिणं भजेद्गजेन्द्ररुपिणम् ।। ३ ।।
विरिञ्चिविष्णुवंदितं विरुपलोचनस्तुतिं ।
गिरीश दर्शनेच्छया समर्पितं पराशया ।।
निरन्तरं सुरासुरै: सपुत्रवामलोचनैः ।
महामखेष्टमिष्टकर्मसु स्मृतं भजामि तुन्दिलम् ॥ ४ ॥
मदौघलुब्धच चलार्कमञ्जुगुञ्जितारवं ।
प्रबुद्धचित्तरञ्जकं प्रमोदकर्णचालकम् ।।
अनन्यभक्तिमानवं प्रचंडमुक्तिदायकं ।
नमामि नित्यमादरेण वक्रतुण्डनायकम् ॥ ५ ॥
दारिद्यविद्रावणमाशु कामदम्
स्तोत्रं पठेदेतदजस्त्रमादरात् ॥
पुत्रीकलत्रस्वजनेषु मैत्री
पुमान्भवेदेकवरप्रसादात् ॥ ६ ॥
॥ इति श्रीमच्छ्ङ्कराचार्यविरचितं श्रीगणपतिस्तोत्रं संपूर्णम् ॥
ShriMat Shankaracharya Racit Shri Ganapati Stotram
श्रीमत् शंकराचार्यरचित श्रीगणपति स्तोत्रम्
Custom Search
No comments:
Post a Comment