Hanumallangoolastra Stotram
Hanumallangoolastra Stotram is in Sanskrit. This Haunman stotra is very powerful. It is said that devotees all troubles are removed by chanting it every day
हनुमल्लांगूलास्त्रस्तोत्रम्
श्रीगणेशाय नमः
हनुमन्नञ्जनीसूतो महाबलपराक्रम ।
लोलल्लांगूलपातेव ममारातीन्निपातय ॥ १ ॥
मर्कटाधिप मार्तण्डमण्डलग्रासकारक ।
लोलल्लांगूलपातेव ममारातीन्निपातय ॥ २ ॥
अक्षक्षपण पिङ्गाक्ष दितिजासुक्षयंकर ।
लोलल्लांगूलपातेव ममारातीन्निपातय ॥ ३ ॥
रुद्रावतारसंसारदुःखभारापहारक ।
लोलल्लांगूलपातेव ममारातीन्निपातय ॥ ४ ॥
श्रीरामचरणाम्भोजमधुपायितमानस ।
लोलल्लांगूलपातेव ममारातीन्निपातय ॥ ५ ॥
वालिप्रमथनक्लान्तसुग्रीवोन्मोचनप्रभो ।
लोलल्लांगूलपातेव ममारातीन्निपातय ॥ ६ ॥
सीताविरहवारीशभग्नसीतेशतारक ।
लोलल्लांगूलपातेव ममारातीन्निपातय ॥ ७ ॥
रक्षोराजप्रतापाग्निदहृमानजगद्वन ।
लोलल्लांगूलपातेव ममारातीन्निपातय ॥ ८ ॥
ग्रस्ताशेषजगत्स्वास्थ्यं राक्षसाम्भोधिमन्दर ।
लोलल्लांगूलपातेव ममारातीन्निपातय ॥ ९ ॥
पुच्छगुच्छस्फुरद्वीर जगद्दग्धारिपत्तन ।
लोलल्लांगूलपातेव ममारातीन्निपातय ॥ १० ॥
जगन्मनोदुरुल्लङ्घ्यापारावार विलङ्घन ।
लोलल्लांगूलपातेव ममारातीन्निपातय ॥ ११ ॥
स्मृतमात्रसमस्तेष्टपूरक प्रणतप्रिय ।
लोलल्लांगूलपातेव ममारातीन्निपातय ॥ १२ ॥
रात्रिंचरतमोरात्रिकृन्तनैकविकर्तन ।
लोलल्लांगूलपातेव ममारातीन्निपातय ॥ १३ ॥
जानक्या जानकीजानेःप्रेमपात्र परंतप ।
लोलल्लांगूलपातेव ममारातीन्निपातय ॥ १४ ॥
भीमादिकमहाभीमवीरावेशावतारक ।
लोलल्लांगूलपातेव ममारातीन्निपातय ॥ १५ ॥
वैदेहीविरहक्लान्तरामरोषैकविग्रह ।
लोलल्लांगूलपातेव ममारातीन्निपातय ॥ १६ ॥
वज्राङ्गनखदंष्ट्रेश वज्रिवज्रावगुण्ठन ।
लोलल्लांगूलपातेव ममारातीन्निपातय ॥ १७ ॥
अखर्वगर्वगन्धर्वपर्वतोद्भेदनस्वर ।
लोलल्लांगूलपातेव ममारातीन्निपातय ॥ १८ ॥
लक्ष्मणप्राणसंत्राण त्राततीक्ष्णकरान्वय ।
लोलल्लांगूलपातेव ममारातीन्निपातय ॥ १९ ॥
रामादिविप्रयोगार्त भरताद्यार्तिनाशन ।
लोलल्लांगूलपातेव ममारातीन्निपातय ॥ २० ॥
द्रोणाचलसमुत्क्षेपसमुत्क्षिप्तारिवैभव ।
लोलल्लांगूलपातेव ममारातीन्निपातय ॥ २१ ॥
सीताशीर्वादसंपन्न समस्तावयवाक्षत ।
लोलल्लांगूलपातेव ममारातीन्निपातय ॥ २२ ॥
इत्येवमश्वत्थतलोपविष्टः शत्रुञ्जयं नाम पठेत्स्वयं ।
स शीघ्रमेवास्तसमस्तशत्रुः प्रमोदते मारुतजप्रसादात् ॥ २३ ॥
॥ इति श्रीहनुमल्लांगुलास्त्रस्तोत्रं संपूर्णम् ॥
Hanumallangoolastra Stotram हनुमल्लांगूलास्त्रस्तोत्रम्
Custom Search
No comments:
Post a Comment