ShriYogeshwari Ashtak श्रीयोगेश्र्वरीचे अष्टक ( मराठी )

ShriYogeshwari Ashtak 
ShriYogeshwari Ashtak is in Marathi. It is a beautiful creation of Gosavinandan.

श्रीयोगेश्र्वरीचे अष्टक ( मराठी )

अंबे महा त्रिपुर सुंदरी आदि माये ।

दारिद्र्य दुःख भय हारुनि दाविपाये । 

तुझा अगाध महिमा वदती पुराणीं ।

योगेश्र्वरी भगवती वरदे भवानी ॥ १ ॥

आंता क्षमा करिशी तूं अपराध माझा ।

मी मूढ केवळ असे परी दास तुझा ।

तूं सांडशील मजला जरि हो निदानीं ।

योगेश्र्वरी भगवती वरदे भवानी ॥ २ ॥   

लज्जा समस्त तुजला निज बाळकाची ।

तूं माऊली अतिशयें कनवाळुसाची ।

व्हावें प्रसन्न मजला परिसोनी कानी ।

योगेश्र्वरी भगवती वरदे भवानी ॥ ३ ॥

नेणो पदार्थ तुज वांचुनि अन्य कांही ।

तूं मायबाप अवघे गणगोत आई ।

तुझाच आश्रय असें जगीं सत्य मानी ।

योगेश्र्वरी भगवती वरदे भवानी ॥ ४ ॥

निष्ठूरता जरीं मनीं धरशील आई ।

रक्षील कोण मजला न उपाय कांहीं ।

आणीक देव दुसरा हृदयांत नाहीं ।

योगेश्र्वरी भगवती वरदे भवानी ॥ ५ ॥

हें चाललें वय वृथा पडलों प्रपंची ।

तेणें करुन स्थिरता न घडे मनाची ।

दुःखार्णवांत पडलों धरिशीघ्र पाणी ।

योगेश्र्वरी भगवती वरदे भवानी ॥ ६ ॥

जाळीतसे मजसि हा भवताप अंगी ।

याचे निवारण करी मज भेट वेगीं ।

आनन्द सिंधु लहरि गुण कोण वर्णी ।

योगेश्र्वरी भगवती वरदे भवानी ॥ ७ ॥ 

तूं धन्य या त्रिभुवनांत समर्थ कैसी ।

धाकें तुझ्या पळसुटे रिपु दानवांसी ।

येती पुजेसी सुर बैसुनिया विमानीं ।

योगेश्र्वरी भगवती वरदे भवानी ॥ ८ ॥

जैसे कळेल तुजला मज पाळीं तैसें ।

मी प्रार्थितों सकळ साक्ष निदान ऐसे ।

गोसावीनंदन म्हणे मज लावी ध्यानीं ।

योगेश्र्वरी भगवती वरदे भवानी ॥ ९ ॥ 

ShriYogeshwari Ashtak 

श्रीयोगेश्र्वरीचे अष्टक ( मराठी )

Custom Search