Durga Stotra (Sanskrit) दुर्गास्तोत्र (संस्कृत)

Durga Stotra (Sanskrit) 
Durga Stotra is from Mahabharat. Bhagwan ShriKrishna advised Arjuna to pray Goddess Durga for her blessings to win the battle with Kourava. In this stotra Arjun is praying Goddess Durga.

दुर्गास्तोत्र (संस्कृत)

संजय उवाच ।

धार्तराष्ट्रबलं दृष्ट्वा युद्धाय समुपस्थितम् ।

अर्जुनस्य हितार्थाय कृष्णो वचनमब्रवीत् ॥ १ ॥

श्रीभगवानुवाच ।

शुचिर्भूत्वा महाबाहो संग्रामाभिमुखे स्थितः ।

पराजयाय शत्रूणां दूर्गास्तोत्रमुदीरय ॥ २ ॥

संजय उवाच ।

एवमुक्तोर्जुनः संख्ये वासुदेवेन धीमता ।

अवतीर्य रथात्पार्थः स्तोत्रमाह कृतांजलिः ॥ ३ ॥

अर्जुन उवाच ।

नमस्ते सिद्धसेनानि आर्ये मंदरवासिनि ।

कुमारि कालिकपालि कपिले कृष्णपिंगले ॥ ४ ॥

भद्रकालि नमस्तुभ्यं महाकालि नमोऽस्तु ते ।

चंडि चंडे नमस्तुभ्यं तारिणि वरवर्णिनि ॥ ५ ॥

कात्यायनि महाभागे करालि विजये जये ।

शिखिपिच्छध्वजधरे नानाभरणभूषिते ॥ ६ ॥

अट्टशूलप्रहरणे खङ्गखेटधारिणि ।

गोपेन्द्रस्यानुजे ज्येष्ठे नंदगोपकुलोद्भवे ॥ ७ ॥

महिषासृक्प्रिये नित्यं कौशिकि पीतवासिनि ।

अट्टाहासे कोकमुखे नमस्तेऽस्तु रणप्रिये  ॥ ८ ॥

उमे शाकंभरि श्र्वेते कृष्णे कैटभनाशिनि ।

हिरण्याक्षि विरुपाक्षि सुधूम्राक्षि नमोऽस्तु ते ॥ ९ ॥

वेदश्रुति महापुण्ये ब्रह्मण्ये जातवेदसि ।

जंबूकटकचैत्येषु नित्यं सन्निहितालये ॥ १० ॥

त्वं ब्रह्मविद्या विद्यानां महानिद्रा च देहिनाम् ।

स्कंदमातर्भगवति दुर्गे कांतारवासिनि ॥ ११ ॥

स्वाहकारः स्वधा चैव कला काष्टा सरस्वती ।

सावित्री वेदमाता च तथा वेदांत उच्यते ॥ १२ ॥

स्तुताऽसि त्वं महादेवि  विशुद्धेनांतरात्मना ।

जयो भवतु मे नित्यं त्वत्प्रसादाद्रणाजिरे ॥ १३ ॥

कान्तारभयदुर्गेषु भक्तानां चालयेषु च ।

नित्यं वससि पाताले युद्धे जयसि दानवान् ॥ १४ ॥

त्वं जृंभनी मोहिनी च माया हृीः श्रीस्तथैव च ।

संध्या प्रभावती चैव सावित्री जननी तथा ॥ १५ ॥

तुष्टिः पुष्टिर्धृतिर्देप्तिश्र्चंद्रादित्यविवर्धिनी ।

भूतिर्भूतिमतां संख्ये वीक्ष्यसे सिद्धचारणैः ॥ १६ ॥

संजय उवाच ।

ततः पार्थस्य विज्ञाय भक्तिं मानववत्सला ।

अंतरिक्षगतोवाच गोविंदस्याग्रतः स्थिता ॥ १७ ॥

देव्युवाच ।

स्वल्पेनैव तु कालेन शत्रून् जेष्यसि पांडव ।

नरस्त्वमसि दुर्धर्ष नारायणसहायवान् ॥ १८ ॥

अजेयस्त्वं रणेऽरीणामपि वज्रभृतः स्वयम् ।

इत्येवमुक्त्वा वरदा क्षणेनांतरधीयत ॥ १९ ॥ 

लब्ध्वा वरं तु कौंतेयो मेने विजयमात्मनः ।

आरुरोह ततः पार्थो रथं परमसंमतम् ॥ २० ॥

कृष्णार्जुनावेकरथौ दिव्यौ शंखौ प्रदध्मतुः ।

य इदं पठते स्तोत्रं कल्प उत्थाय मानवः ॥ २१ ॥

यक्षरक्षः पिशाचेभ्यो न भयं विद्यते सदा ।

न चापि रिपवस्तेभ्यः सर्पाद्या ये च दंष्ट्रिणः ॥ २२ ॥

न भयं विद्यते तस्य सदा राजकुलादपि ।

विवादे जयमाप्नोति बद्धो मुच्येत बंधनात् ॥ २३ ॥

दुर्गं तरति चावश्यं तथा चोरैर्विमुच्यते ।

संग्रामे विजयेन्नित्यं लक्ष्मी प्राप्नोति केवलाम् ॥ २४ ॥

आरोग्यबलसंपन्नो जीवेद्वर्षशतं तथा ।

एतद् दृष्टं प्रसादात्तु मया व्यासस्य धीमतः ॥ २५ ॥

इति श्रीमन्महाभारते शतसाहस्त्र्यां संहितायां वैयासिक्यां भीष्मपर्वणि भगवद्गीतापर्वणि दुर्गास्तोत्रे त्रयोविंशोऽध्यायः ॥  

 Durga Stotra (Sanskrit)

दुर्गास्तोत्र (संस्कृत)

Custom Search

Durga Stuti दुर्गा स्तुतिः

Durga Stuti 
Durga Stuti is in Sanskrit. It is from Shri MahaBhagwat MahaPurana. Durga Stuti is by Holy Vedas. Veda Ruchas say that Hey Durge ! you have created these three worlds by your own will. Brahma, Vishnu and Mahesh; the three Gods are your creations for taking care of the world. Nobody is there who has created you and nobody can describe you and your gunas. God Vishnu by doing your devotion and by your blessings destroys demons and protects the world. God Shiva was able to drink the Kalkut poison by holding your leg on his heart. Mata! Nobody is able to describe you, your Gunas and your charitra. I n the end it is said that Mata! All gods worship you. Please bless the world and your creation.

दुर्गा स्तुतिः

श्रुतय ऊचुः

दुर्गे विश्वमपि प्रसीद परमे सृष्ट्यादिकार्यत्रये 

ब्रम्हाद्याः पुरुषास्त्रयो निजगुणैस्त्वत्स्वेच्छया कल्पिताः ।

नो ते कोऽपि च कल्पकोऽत्र भुवने विद्येत मातर्यतः 

कः शक्तः परिवर्णितुं तव गुणॉंल्लोके भवेद्दुर्गमान् ॥ १ ॥

त्वामाराध्य हरिर्निहत्य समरे दैत्यान् रणे दुर्जयान् 

त्रैलोक्यं परिपाति शम्भुरपि ते धृत्वा पदं वक्षसि ।

त्रैलोक्यक्षयकारकं समपिबद्यत्कालकूटं विषं 

किं ते वा चरितं वयं त्रिजगतां ब्रूमः परित्र्यम्बिके ॥ २ ॥

या पुंसः परमस्य देहिन इह स्वीयैर्गुणैर्मायया 

देहाख्यापि चिदात्मिकापि च परिस्पन्दादिशक्तिः परा ।

त्वन्मायापरिमोहितास्तनुभृतो यामेव देहास्थिता 

भेदज्ञानवशाद्वदन्ति पुरुषं तस्यै नमस्तेऽम्बिके ॥ ३ ॥

स्त्रीपुंस्त्वप्रमुखैरुपाधिनिचयैर्हीनं परं ब्रह्म यत् 

त्वत्तो या प्रथमं बभूव जगतां सृष्टौ सिसृक्षा स्वयम् ।

सा शक्तिः परमाऽपि यच्च समभून्मूर्तिद्वयं शक्तित-

स्त्वन्मायामयमेव तेन हि परं ब्रह्मापि शक्त्यात्मकम् ॥ ४ ॥

तोयोत्थं करकादिकं जलमयं दृष्ट्वा यथा निश्चय- 

स्तोयत्वेन भवेद्ग्रहोऽप्यभिमतां तथ्यं तथैव ध्रुवम् ।

ब्रह्मोत्थं सकलं विलोक्य मनसा शक्त्यात्मकं ब्रह्म त-  

च्छक्तित्वेन विनिश्चितः पुरुषधीः पारं परा ब्रह्मणि ॥ ५ ॥

षट्चक्रेषु लसन्ति ये तनुमतां ब्रह्मादयः षट्शिवा-

स्ते प्रेता भवदाश्रयाच्च परमेशत्वं समायान्ति हि ।

तस्मादीश्वरता शिवे नहि शिवे त्वय्येव विश्वाम्बिके 

त्वं देवि त्रिदशैकवन्दितपदे दुर्गे प्रसीदस्व नः ॥ ६ ॥

॥ इति श्रीमहाभागवते महापुराणे वेदैः कृता दुर्गास्तुतिः सम्पूर्णा ॥

हिंदी अनुवाद (देवी स्तोत्ररत्नाकर गोरखपूर गीताप्रेस धन्यवाद सहित)
वेदोनें कहा
१) दुर्गे ! आप सम्पूर्ण जगत्पर कृपा करे । परमे आपने ही अपने गुणोंके द्वारा स्वेच्छानुसार सृष्टि आदि तीनों कार्योंके लिये ब्रह्मा आदि तीनों देवोंकी रचना की है, इसलिये इस जगतमें आपको रचनेवाला कोई भी नहीं है । मातः आपके दुर्गम गुणोंका वर्णन करनेमें इस लोकमें भला कौन समर्थ हो सकता है ।
२) भगवान् विष्णु आपकी आराधनाके प्रभावसे ही दुर्जय दैत्योंको युद्धस्थलमें मारकर तीनों लोकोंकी रक्षा करते हैं । भगवान् शिवने भी अपने हृदयपर आपका चरण धारण कर तीनों लोकोंका विनाश करनेवाले कालकूट विषका पान कर लिया था । तीनों लोकोंकी रक्षा करनेवाली अम्बिके ! हम आपके चरित्रका वर्णन कैसे कर सकते हैं ।
३) जो अपने गुणोंसे मायाके द्वारा इस लोकमें साकार परम पुरुषके देहस्वरुपको धारण करती हैं और जो पराशक्ति ज्ञान तथा क्रियाशक्तिके रुपमें प्रतिष्ठित हैं; आपकी उस मायासे विमोहित शरीरधारी प्राणी भेदज्ञानके कारण सर्वान्तरात्माके रुपमें विराजमान आपको ही पुरुष कह देते है; अम्बिके ! उन आप महादेवीको नमस्कार है ।
४) स्त्री-पुरुषरुप प्रमुख उपाधिसमूहोंसे रहित जो परब्रह्म है, उसमें जगतकी सृष्टिके निमित्त सर्वप्रथम सृजनकी जो इच्छा हुई, वह स्वयं आपकी ही शक्तिसे हुई और वह पराशक्ति भी स्त्री-पुरुषरुप दो मूर्तियोंमे आपकी शक्तिसे ही विभक्त हुई है । इस कारण वह परब्रह्म भी मायामय शक्तिस्वरुप ही है ।
५-६) जिस प्रकार जलसे उत्पन्न ओले आदिको देखकर मान्यजनोंको यह जल ही है -ऐसा ध्रुव निश्चय होता है, उसी प्रकार ब्रह्मसे ही उत्पन्न इस समस्त जगत्को देखकर यह शक्त्यात्मक ब्रह्म ही है - ऐसा मनमें विचार होता है और पुनः परात्पर परब्रह्ममें जो पुरुषबुद्धि है, वह भी शक्तिस्वरुप ही है, ऐसा निश्चित होता है ।
जगदम्बिके ! देहधारियोंके शरीरमें स्थित षट्चक्रोंमे ब्रह्मादि जो छः विभूतियॉं सुशोभित होती हैं, वे प्रलयान्तमें आपके आश्रयसे ही परमेशपदको प्राप्त होती हैं । इसलिये शिवे ! शिवादि देवोंमे स्वयंकी ईश्वरता नहीं है, अपितु वह तो आपमें ही है । देवि ! एकमात्र आपके चरणकमल ही देवताओंके द्वारा वन्दित हैं । दुर्गे ! आप हमपर प्रसन्न हों ।

॥ इस प्रकार श्रीमहाभागवतमहापुराणके अन्तर्गत वेदोंद्वारा की गयी दुर्गास्तुति सम्पूर्ण हुई ॥  

Durga Stuti

दुर्गा स्तुतिः

Custom Search

Argala Stotra अर्गलास्तोत्रम्

Argala Stotra 
Argala Stotra is in Sanskrit. It is a praise of Goddess Durga. Argala Stotra is one of the stotras that are required to be recited before performing the Saptashati Patha.

अर्गलास्तोत्रम्

ॐ अस्य श्रीअर्गलास्तोत्रमन्त्रस्य ॥ विष्णुर्ऋषिः ॥

अनुष्टुप् छन्दः ॥ श्रीमहालक्ष्मीर्देवता ॥ 

श्रीजगदम्बाप्रीतर्थे । सप्तशतीपाठाङ्गत्वेन जपे विनियोगः ॥

ॐ नमश्र्चण्डिकायै ॥

मार्कण्डेय उवाच ।

ॐ जयन्ती मङ्गला काली भद्रकाली कपालिनी ।

दुर्गा क्षमा शिवा धात्री स्वाहा स्वधा नमोऽस्तु ते ॥ १ ॥

जय त्वं देवि चामुण्डे जय भूतार्तिहारिणि ।

जय सर्वगते देवि कालरात्रि नमोऽस्तु ते ॥ २ ॥

मधुकैटभविद्राविविधातृवरदे नमः ।

रुपं देहि जयं देहि यशो देहि द्विषो जहि ॥ ३ ॥

महिषासुरनिर्णाशि भक्तानां सुखदे नमः ।

रुपं देहि जयं देहि यशो देहि द्विषो जहि ॥ ४ ॥

रक्तबीजवधे देवि चण्डमुण्डविनाशिनि ।

रुपं देहि जयं देहि यशो देहि द्विषो जहि ॥ ५ ॥

शुम्भस्यैव निशुम्भस्य धूम्राक्षस्य च मर्दिनि ।

रुपं देहि जयं देहि यशो देहि द्विषो जहि ॥ ६ ॥

वन्दिताङ्घ्रियुगे देवि सर्व सौभाग्यदायिनि ।

रुपं देहि जयं देहि यशो देहि द्विषो जहि ॥ ७ ॥

अचिन्त्यरुपचरिते सर्वशत्रुविनाशिनि ।

रुपं देहि जयं देहि यशो देहि द्विषो जहि ॥ ८ ॥ 

नतेभ्यः सर्वदा भक्त्या चण्डिके दुरितापहे ।

रुपं देहि जयं देहि यशो देहि द्विषो जहि ॥ ९ ॥ 

स्तुवद्भ्यो भक्तिपूर्वं त्वां चण्डिके व्याधिनाशिनि ।

रुपं देहि जयं देहि यशो देहि द्विषो जहि ॥ १० ॥

चण्डिके सततं ये त्वामर्चयन्तीह भक्तितः ।

रुपं देहि जयं देहि यशो देहि द्विषो जहि ॥ ११ ॥

देहि सौभाग्यमारोग्यं देहि मे परमं सुखम् ।

रुपं देहि जयं देहि यशो देहि द्विषो जहि ॥ १२ ॥

विधेहि द्विषतां नाशं विधेहि बलमुच्चकैः।

रुपं देहि जयं देहि यशो देहि द्विषो जहि ॥ १३ ॥

विधेहि देवि कल्याणं विधेहि परमां श्रियम् ।

रुपं देहि जयं देहि यशो देहि द्विषो जहि ॥ १४ ॥

सुरासुरशिरोरत्ननिघृष्टचरणेऽम्बिके ।

रुपं देहि जयं देहि यशो देहि द्विषो जहि ॥ १५ ॥

विद्यावन्तं यशस्वन्तं लक्ष्मीवन्तं जनं कुरु ।

रुपं देहि जयं देहि यशो देहि द्विषो जहि ॥ १६ ॥

प्रचण्डदैत्यदर्पघ्ने चण्डिके प्रणताय मे ।

रुपं देहि जयं देहि यशो देहि द्विषो जहि ॥ १७ ॥

चतुर्भुजे चतुर्वक्रसंस्तुते परमेश्र्वरि ।

रुपं देहि जयं देहि यशो देहि द्विषो जहि ॥ १८ ॥

कृष्णेन संस्तुते देवि शश्र्वद्भक्त्या सदाम्बिके ।

रुपं देहि जयं देहि यशो देहि द्विषो जहि ॥ १९ ॥

हिमाचलसुतानाथसंस्तुते परमेश्र्वरि ।

रुपं देहि जयं देहि यशो देहि द्विषो जहि ॥ २० ॥

इन्द्राणीपतिसद्भावपूजिते परमेश्र्वरि ।

रुपं देहि जयं देहि यशो देहि द्विषो जहि ॥ २१ ॥

देवि प्रचण्डदोर्दण्डदैत्यदर्पविनाशिनि ।

रुपं देहि जयं देहि यशो देहि द्विषो जहि ॥ २२ ॥ 

देवि भक्तजनोद्दामदत्तानन्दोदयेऽम्बिके ।

रुपं देहि जयं देहि यशो देहि द्विषो जहि ॥ २३ ॥

पत्नीं मनोरमां देहि मनोवृत्तानुसारिणीम् ।

तारिणीं दुर्गसंसारसागरस्य कुलोद्भवाम् ॥ २४ ॥

इदं स्तोत्रं पठित्वा तु महास्तोत्रं पठेन्नरः ।

स तु सप्तशतीसंख्यावरमाप्नोति सम्पदाम् ॥ ॐ ॥ २५ ॥

इति देव्या अर्गलास्तोत्रं सम्पूर्णम् ॥

Argala Stotra 

अर्गलास्तोत्रम्

Custom Search

DurgaDwatrinshaNnam Mala दुर्गाद्वात्रिंशन्नाम माला

DurgaDwatrinshaNnam Mala 

DurgaDwatrinshaNnam Mala is in Sanskrit. It is a Mala of 32 names of Goddess Durga. Once God Brahma asked Goddess Durga about a very easy and shortest way of devotion by which devotees of Goddess receives her blessings and protection. At that time Goddess Durga told this Mala to God Brahma. Further she told that any devotee chanting everyday will become free from any type of fear. Benefits of DurgaDwatrinshaNnam Mala: Devotee reciting this Mala have no fear from anything *(enemies, ghosts,). All difficulties/troubles are removed and vanished. 

दुर्गाद्वात्रिंशन्नाम माला 

दुर्गा दुर्गातिशमनी दुर्गापद्वि निवारिणी । 

दुर्गमच्छेदिनि दुर्गसाधिनी दुर्गानाशिनी ॥ १ ॥ 

दुर्गतोद्धारिणी दुर्गनिहन्त्री दुर्गमापहा । 

दुर्गमज्ञानदा दुर्गदैत्यलोकदवानला ॥ २ ॥ 

दुर्गमा दुर्गमालोका दुर्गमात्मस्वरुपिणी । 

दुर्गमार्गप्रदा दुर्गमविद्या दुर्गमाश्रिता ॥ ३ ॥ 

दुर्गमज्ञानसंस्थाना दुर्गमध्यानभासिनी । 

दुर्गमोहा दुर्गमगा दुर्गमार्थ स्वरुपिणी ॥ ४ ॥ 

दुर्गमासुरसंहन्त्री दुर्गमायुधधारिणी । 

दुर्गमाङ्गी दुर्गमता दुर्गम्या दुर्गमेश्र्वरी ॥ ५ ॥ 

दुर्गभीमा दुर्गभामा दुर्गभा दुर्गदारिणी । 

नामावलि मिमां यस्तु दुर्गाया मम मानवः । 

पठेत् सर्वभयान्मुक्तो भविष्यति न संशयः ॥ ६ ॥ 

॥ इति दुर्गाद्वात्रिंशन्नाम माला संपूर्णा ॥ 

एकदा ब्रह्मदेवांनी दुर्गादेवीची पूजा करुन तिचे 

स्तवन केले व तिला विचारले हे महेश्र्वरी असा

 कोणता उपाय आहे की ज्यामुळे तू भक्तांवर 

सत्वर प्रसन्न होऊन सर्वांचे रक्षण करतेस? 

तेव्हां दुर्गादेवी म्हणाली " माझ्या बत्तीस नाममालेचे 

जे नित्य पठण करतील त्यांच्या सर्व आपत्तींचा मी 

विनाश करते. त्रैलोक्यांत यासारखे दुसरे स्तोत्र नाही. 

ते मी तुम्हाला सांगते. 

DurgaDwatrinshaNnam Mala 

दुर्गाद्वात्रिंशन्नाम माला

Custom Search

Shri Gouri Ashtottar ShatNam Stotram गौरीनामाष्टोत्तरशत स्तोत्र

Shri Gouri Ashtottar ShatNam Stotram 

Shri Gouri Ashtottar ShatNam Stotram is in Sanskrit. This is stotra is of 108 names of Goddess Gouri. It is from shri Matsya Puran. It came in the PIitruvoushanvye in the Thirteen Adhyay of Matsya Puran. These being 108 names and are the holy places of Goddess Gouri. If we recite or here this stotra then it automatically give benefits of visiting these 108 holy places. It makes devotees free from all his/her sins. If it is recited on every Trutiya (tithi) or Ashtami (tithi) of the month the devotee becomes father/mother of good son/daughter and becomes happy. It is auspicious if it is recited in God Shiva’s temple. King Yayaati became a father of a son.by reciting this stotra. Bhargav Muni received money. Many others including Gods, demons, Brahmanas and others received many siddhis. Finally this stotra if recited with faith, devotion and concentration every day, it gives everything we desire and gives Mukti also.

गौरीनामाष्टोत्तरशत स्तोत्र 

देव्युवाच 

सर्वदा सर्वभुतेषु द्रष्टव्यः सर्वतो भुवि । 

सर्वलोकेषु यत् किंचिद् रहितं न मया विना ॥ १ ॥ 

तथापि येषु स्थानेषु द्रष्टव्या सिद्धिमीप्सुभिः । 

स्मर्तव्या भूतिकामैर्वा तानि वक्ष्यामि तत्त्वतः ॥ २ ॥ 

वाराणस्यां विशालाक्षी नैमिषे लिङ्गधारिणी । 

प्रयागे ललिता देवी कामाक्षी गन्धमादने ॥ ३ ॥ 

मानसे कुमुदा नाम विश्र्वकाया तथाम्बरे ॥ ४ ॥ 

गोमन्ते गोमती नाम मन्दरे कामचारिणी । 

मदोत्कटा चैत्ररथे जयन्ती हस्तिनापुरे ॥ ५ ॥ 

कान्यकुब्जे तथा गौरी रम्भा मलयपर्वते । 

एकाम्भके कीर्तिमती विश्र्वा विश्र्वेश्र्वरे विदुः ॥ ६ ॥ 

पुष्करे पुरुहूतेति केदारे मार्गदायिनी । 

नन्दा हिमवतः पृष्ठे गोकर्णे भद्रकर्णिका ॥ ७ ॥ 

स्थाण्वीश्र्वरे भवानी तु बिल्वके बिल्वपत्रिका । 

श्रीशैले माधवी नाम भद्रा भद्रेश्र्वरे तथा ॥ ८ ॥ 

जया वराहशैले तु कमला कमलालये । 

रुद्रकोट्यां च रुद्राणी काली कालंजरे गिरौ ॥ ९ ॥ 

महालिङ्गे तु कपिला मर्कोटे मुकुटेश्र्वरी । 

शालग्रामे महादेवी शिवलिङ्गे जलप्रिया ॥ १० ॥ 

मायापुर्यां कुमारी तु संताने ललिता तथा । 

उत्पलाक्षी सहस्राक्षे कमलाक्षे महोत्पला ॥ ११ ॥ 

गङ्गायां मङ्गला नाम विमला पुरुषोत्तमे । 

विपाशायाममोघाक्षी पाटला पुण्ड्रवर्धने ॥ १२ ॥ 

नारायणी सुपार्श्र्वे तु विकुटे भद्रसुन्दरी । 

विपुले विपुला नाम कल्याणी मलयाचले ॥ १३ ॥ 

कोटवी कोटितीर्थे तु सुगन्धा माधवे वने । 

गोदाश्रमे त्रिसंध्या तु गङ्गाद्वारे रतिप्रिया ॥ १४ ॥ 

शिवकुन्डे शिवानन्दा नन्दिनी देविकातटे । 

रुक्मिणी द्वारवत्यां तु राधा वृन्दावने वने ॥ १५ ॥ 

देवकी मथुरायां तु पाताले परमेश्र्वरी । 

चित्रकुटे तथा सीता विन्ध्ये विन्ध्याधिवासिनी ॥ १६ ॥ 

सह्याद्रावेकवीरा तु हरिश्र्चन्द्रे तु चन्द्रिका । 

रमणा रामतीर्थे तु यमुनायां मृगावती ॥ १७ ॥ 

करवीरे महालक्ष्मीरुमादेवी विनायके । 

अरोगा वैद्यनाथे तु महाकाले महेश्र्वरी ॥ १८ ॥ 

अभयेत्युष्णतीर्थेषु चामृता विन्ध्यकन्दरे । 

 सोमेश्र्वरे वरारोहा प्रभासे पुष्करावती ॥ १९ ॥ 

छागलाण्डे प्रचण्डा तु चण्डिका मकरन्दके । 

सोमेश्र्वरे वरारोहा प्रभासे पुष्करावती ॥ २० ॥ 

देवमाता सरस्वत्यां पारावारतटे मता । 

महालये महाभागा पयोष्ण्यां पिङ्गलेश्र्वरी ॥ २१ ॥ 

सिंहिका कृतशौचे तु कार्तिकेये यशस्करी । 

उत्पलावर्तके लोला सुभद्रा शोणसंगमे ॥ २२ ॥ 

माता सिद्धपुरे लक्ष्मीरङ्गना भरताश्रमे । 

जालंधरे विश्र्वमुखी तारा किष्किन्धपर्वते ॥ २३ ॥ 

देवदारुवने पुष्टिर्मेधा काश्मीरमण्डले । 

भीमा देवी हिमाद्रौ तु पुष्टिर्विश्र्वेश्र्वरे तथा ॥ २४ ॥ 

कपालमोचने शुद्धिर्माता कायावरोहणे । 

शंखोद्वारे ध्वनिर्नाम धृतिः पिण्डारके तथा ॥ २५ ॥ 

काला तु चन्द्रभागायामच्छोदे शिवकारिणी । 

वेणायाममृता नाम बदर्यामुर्वशी तथा ॥ २६ ॥ 

औषधी चोत्तरकुरौ कुशद्वीपे कुशोदका । 

मन्मथा हेमकुटे तु मुकुटे सत्यवादिनी ॥ २७ ॥ 

अश्र्वथे वन्दनीया तु निधिर्वैश्रवणालये । 

गायत्री वेदवदने पार्वती शिवसंनिधौ ॥ २८ ॥ 

देवलोके तथेन्द्राणी ब्रह्मास्येषु सरस्वती । 

सूर्यबिम्बे प्रभा नाम मातृणां वैष्णवी मता ॥ २९ ॥ 

अरुंधती सतीनां तु रामासु च तिलोत्तमा । 

चित्ते ब्रह्मकला नाम शक्तिः सर्वशरीरिणाम् ॥ ३० ॥ 

एतदुद्देशतः प्रोक्तं नामष्टशतमुत्तमम् । 

अष्टोत्तरं च तीर्थानां शतमेतदुदाहृतम् ॥ ३१ ॥ 

स्मरेच्छृणुयाद् वापि सर्वपापैः प्रमुच्यते । 

एषु तीर्थेषु यः कृत्वा स्नानं पश्यति मां नरः ॥ ३२ ॥ 

सर्वपापविनिर्मुक्तः कल्पं शिवपुरे वसेत् । 

यस्तु मत्परमं कालं करोत्येतेषु मानवः ॥ ३३ ॥ 

स भित्वा ब्रह्मसदनं पदमभ्येति शांकरम् । 

नाम्नामष्टशतं यस्तु श्रावयेच्छिवसन्निधौ ॥ ३४ ॥ 

तृतीयायामथाष्टम्यां बहुपुत्रो भवेन्नरः । 

गोदाने श्राद्धदाने वा अहन्यहनि वा बुधः ॥ ३५ ॥ 

देवार्चनविधौ विद्वान पठत् ब्रह्माधिगच्छति । 

एवं वदन्ती सा तत्र ददाहात्मानमात्मना ॥ ३६ ॥ 

स्वायम्भुवोऽपि कालेन दक्षः प्राचेतसोऽभवत् । 

पार्वती सामवद् देवी शिवदेहार्धधारिणी ॥ ३७ ॥ 

मेनागर्भसमुत्पन्ना भुक्तिमुक्तिफलप्रदा । 

अरुन्धती जपनत्येतत् प्राप योगमनुत्तमम् ॥ ३८ ॥ 

पुरुरवाश्र्च राजर्षिलोके व्यजेयतामगात् । 

ययातिः पुत्रलाभं च धनलाभं च भार्गवः ॥ ३९ ॥ 

तथान्ये देवदैत्याश्र्च ब्राह्मणा क्षत्रियास्तथा । 

वैश्याः शूद्राश्र्च बहवः सिद्धिभीयुर्यथेप्सिताम् ॥ ४० ॥ 

यत्रैतल्लिखितं तिष्ठेत् पूज्यते देवसंनिधौ । 

न तत्र शोकोदौर्गत्यं कदाचिदपि जायते ॥ ४१ ॥ 

॥ इति श्रीमात्स्ये महापुराणे पितृवंशान्वये गौरीनामाष्टोत्तरशतकथनं 

नाम त्रयोदशोऽध्यायः ॥
Shri Gouri Ashtottar ShatNam Stotram 
 गौरीनामाष्टोत्तरशत स्तोत्र

Custom Search

Chandi Kavacham चण्डीकवचम्

Chandi Kavacham 

Chandi Kavacham is from Varah Puran. It is in Sanskrit. It is created by God Hari, God Har and God Brahma. In this Kavacham Markandey Rushi is asking God Brahma to tell Chandi Kavacham for the benefit of the people. Chandi is the Goddess Durga. Kavacham means the armor. It protects devotees from all sorts of fears, deceases, troubles and difficulties in the life of devotees and it gives whatever is wished by the devotees.

चण्डीकवचम् 

श्रीगणेशाय नमः ॥ 

अस्य श्रीचण्डीकवचस्य ब्रह्मा ऋषिः । 

अनुष्टुप् छंदः । चामुण्डा देवता । 

अंगन्यासोक्तमातरो बीजम् । दिग्बंधदेवतास्तत्त्वम् । 

श्रीजगदंबाप्रीत्यर्थे जपे विनियोगः । 

ॐनमश्र्चण्डिकायै । ॐमार्कण्डेय उवाच । 

ॐयद्गुह्यं परमं लोके सर्वरक्षाकरं नृणाम् । 

यन्न कस्यचिदाख्यातं तन्मे ब्रूहि पितामह ॥ १ ॥ 

ब्रह्मोवाच । 

अस्ति गुह्यतमं विप्र सर्वभूतोपकारकम् । 

देव्यास्तु कवचं पुण्यं तच्छृणुष्व महामुने ॥ २ ॥ 

प्रथमं शैलपुत्रीति द्वितीयं ब्रह्मचारिणी । 

तृतीयं चन्द्रघण्टेति कूष्माण्डेति चतुर्थकम् ॥ ३ ॥ 

पंचमं स्कन्दमातेति षष्ठं कात्यायनीति च । 

सप्तमं कालरात्रिश्र्च महागौरीति चाष्टमम् ॥ ४ ॥ 

नवमं सिद्धिदात्री च नवदुर्गाः प्रकीर्तिताः । 

उक्तान्येतानि नामानि ब्रह्मणैव महात्मना ॥ ५ ॥ 

अग्निना दह्यमानस्तु शत्रुमध्ये गतो रणे । 

विषमे दुर्गमे भयार्ताः शरणं गताः ॥ ६ ॥ 

न तेषां जायते किंचिदशुभं रणसंकटे । 

नापदं तस्य पश्यामि शोकदुःखभयं नहि ॥ ७ ॥ 

यैस्तु भक्त्या स्मृता नूनं तेषांम सिद्धिः प्रजायते । 

प्रेतसंस्था तु चामुण्डा वाराहि महिषासना ॥ ८ ॥ 

ऐन्द्री गजसमारुढा वैष्णवी गरुडासना । 

माहेश्र्वरी वृषारुढा कौमारी शिखिवाहना ॥ ९ ॥ 

ब्राह्मी हंससमारुढा सर्वाभरणभूषिता । 

नानाभरणशोभाढ्या नानारत्नोपशोभिता ॥ १० ॥ 

दृश्यन्ते रथमारुढा देव्यः क्रोधसमाकुलाः । 

शंखं चक्रं गदां शक्तिं हलं मुसलायुधं ॥ ११ ॥ 

खेटकं तोमरं चैव परशुं पाशमेव च । 

कुन्तायुधं त्रिशूलं च शार्ङ्गमायुधमुत्तमम् ॥ १२ ॥ 

दैत्यानां देहनाशाय भक्तानामभयाय च । 

धारयन्त्यायुधानीत्यं देवानां च हिताय वै ॥ १३ ॥ 

महाबले महोत्साहे महाभयविनाशिनि । 

त्राहि मां देवि दुष्प्रेक्ष्ये शत्रूणां भयवर्धिनि ॥ १४ ॥ 

प्राच्यां रक्षतु मामेन्द्री आग्नेय्यामग्निदेवता । 

दक्षिणेऽवतु वाराही नैर्ऋत्यां खङ्गधारिणी ॥ १५ ॥ 

प्रतीच्यां वारुणी रक्षेद्वायव्यां मृगवाहिनी । 

उदीच्यां रक्ष कौबेरि ईशान्यां शूलधारिणी ॥ १६ ॥ 

ऊर्ध्वं ब्रह्माणी मे रक्षेदधस्ताद्वैष्णवी तथा । 

एवं दश दिशो रक्षेचामुण्डा शववाहना ॥ १७ ॥ 

जया मे अग्रतः स्थातु विजया स्थातु पृष्ठतः । 

अजिता वामपार्श्र्वे तु दक्षिणे चापराजिता ॥ १८ ॥ 

शिखां मे द्योतिनी रक्षेदुमा मूर्घ्निं व्यवस्थिता । 

मालाधरी ललाटेच भ्रुवौ रक्षेद्यशस्विनी ॥ १९ ॥ 

त्रिनेत्रा च भ्रुवोर्मध्ये यमघण्टा च नासिके । 

शंखिनी चक्षुषोर्मध्ये श्रोत्रयोर्द्वारवासिनी ॥ २० ॥ 

कपोलौ कालिका रक्षेत्कर्णमूले तु शांकरी । 

नासिकायां सुगन्धा च उत्तरोष्ठे च चर्चिका ॥ २१ ॥ 

अधरे चामृतकला जिह्वायां च सरस्वती । 

दन्तान् रक्षतु कौमारी कण्ठमध्ये तु चण्डिका ॥ २२ ॥ 

घण्टिकां चित्रघण्टा च महामाया च तालुके । 

कामाक्षी चिबुकं रक्षेद्वाचं मे सर्वमंगला ॥ २३ ॥ 

ग्रीवायां भद्रकाली च पृष्ठवंशे धनुर्धरी । 

नीलग्रीवा बहिःकण्ठे नलिकां नलकूबरी ॥ २४ ॥ 

खङ्गधारिण्युभौ स्कंधौ बाहू मे वज्रधारिणी । 

हस्तयोर्दण्डिनी रक्षेदम्बिका चांगुलीस्तथा ॥ २५ ॥ 

नखञ्छूलेश्र्वरी रक्षेत् कुक्षौ रक्षेन्नलेश्र्वरी । 

स्तनौ रक्षेन्महालक्ष्मीर्मनःशोकविनाशिनी ॥ २६ ॥ 

हृदये ललितादेवी उदरे शूलधारिणी । 

नाभौ च कामिनी रक्षेद्गुह्यं गुह्येश्र्वरी तथा ॥ २७ ॥ 

कट्यां भगवती रक्षेज्जानुनी विन्ध्यवासिनी । 

भूतनाथा च मेढ्रं मे ऊरु महिषवाहिनी ॥ २८ ॥ 

जंघे महाबला प्रोक्ता सर्वकामप्रदायिनी । 

गुल्फयोर्नारसिंही च पादौ चामिततेजसी ॥ २९ ॥ 

पादांगुलीः श्रीर्मे रक्षेत्पादास्तलवासिनी । 

नखान्दंष्ट्राकराली च केशांश्र्चेवोर्ध्वकेशिनी ॥ ३० ॥ 

रोमकूपेषु कौबेरी त्वचं वागीश्र्वरी तथा । 

रक्तमज्जावसामांसान्यस्थिमेदांसि पार्वती ॥ ३१ ॥ 

अन्त्राणि कालरात्रिश्र्च पित्तं च मुकुटेक्ष्वरी । 

पद्मावती पद्मकोशे कफे चूडामणिस्तथा ॥ ३२ ॥ 

ज्वालामुखी नखज्वाला अभेद्या सर्वसंधिषु । 

शुक्रं ब्रह्माणि मे रक्षेच्छायां छत्रेश्र्वरी तथा ॥ ३३ ॥ 

अहंकार मनो बुद्धिं रक्ष मे धर्मचारिणि । 

प्राणापानौ तथा व्यानं समानोदानमेव च ॥ ३४ ॥ 

यशः कीर्ति च लक्ष्मीं च सदा रक्षतु वैष्णवी । 

गोत्रमिन्द्राणी मे रक्षेत्पशून्मे रक्ष चण्डिके ॥ ३५ ॥ 

पुत्रान् रक्षेन्महालक्ष्मीर्भार्या रक्षतु भैरवी । 

मार्गं क्षेमकरी रक्षेद्विजया सर्वतः स्थिता ॥ ३६ ॥ 

रक्षाहीनं तु यत्स्थानं वर्जितं कवचेन तु । 

तत्सर्वं रक्ष मे देवि जयन्ती पापनाशिनी ॥ ३७ ॥ 

पदमेकं न गच्छेत्तु यदीच्छेच्छुभमात्मनः । 

कवचेनावृतो नित्यं यत्र यत्राधिगच्छति ॥ ३८ ॥ 

तत्र तत्रार्थलाभश्र्च विजयः सार्वकामिकः । 

यं यं कामयते कामं तं तं प्राप्नोति निश्र्चितम् ॥ ३९ ॥ 

परमैक्श्र्वर्यतुलं प्राप्स्यते भूतले पुमान् । 

निर्भयो जायते मर्त्यः संग्रामेष्वपराजितः ॥ ४० ॥ 

त्रैलोक्ये तु भवेत्पूज्यः कवचेनावृतः पुमान् । 

इदं तु देव्याः कवचं देवानामपि दुर्लभम् ॥ ४१ ॥ 

यः पठेत्प्रयतो नित्यं त्रिसन्ध्यं श्रद्धयान्वितः । 

दैवी कला भवेत्तस्य त्रैलोक्येष्वपराजितः ॥ ४२ ॥ 

जीवेद्वर्षशतं साग्रमपमृत्युविवर्जितः । 

नश्यन्ति व्याधयः सर्वे लूताविस्फोटकादयः ॥ ४३ ॥ 

स्थावरं जंगमं वापि कृत्रिमं चापि यद्विषम् । 

अभिचाराणि सर्वाणि मंत्रयंत्राणि भूतले ॥ ४४ ॥ 

भूचराः खेचराश्र्चैव जलजाश्र्चोपदेशिकाः । 

सहजाः कुलजा मालाः शाकिनी डाकिनी तथा ॥ ४५ ॥ 

अन्तरिक्षचरा घोरा डाकिन्यश्र्च महाबलाः । 

ग्रहभूतपिशाचाश्र्च यक्षगन्धर्वराक्षसाः ॥ ४६ ॥ 

ब्रह्मराक्षसवेतालाः कूष्माण्डा भैरवादयः । 

नश्यन्ति दर्शनात्तस्य कवचे हृदि संस्थिते ॥ ४७ ॥ 

मानोन्नतिर्भवेद्राज्ञस्तेजोवृद्धिकरं परम् । 

यशसा वर्धते सोऽपि कीर्तिमण्डितभूतले ॥ ४८ ॥ 

जपेत्सप्तशतीं चण्डीं कृत्वा तु कवचं पुरा । 

यावद्भूमण्डलं धत्ते सशैलवनकाननम् ॥ ४९ ॥ 

तावत्तिष्टति मेदिन्यां सन्ततिः पुत्रपौत्रिकी । 

देहान्ते परमं स्थानं यत्सुरैरपि दुर्लभम् ॥ ५० ॥ 

प्राप्नोति पुरुषो नित्यं महामायाप्रसादतः ॥ ५१ ॥ 

॥ इति श्रीवाराहपुराणे हरिहरब्रह्मविरचितं देव्याः कवचम् संपूर्णम् ॥

Chandi Kavacham 

चण्डीकवचम्

Custom Search

Shri DurgaShtottarShatNam Stotra श्रीदुर्गाष्टोत्तरशतनामस्तोत्रम्

Shri DurgaShtottarShatNam Stotra 

Shri DurgaShtottarShatNam Stotra is in Sanskrit. It is from ShriVishva SarTantra. These are the 108 names of Goddess Durga. It is said in the stotra that any goddess devotee reciting this stotra every day receives blessings of the Goddess Durga in the form of money, food, Good wife and son, success, victory, all sides and in the end Mukti.

श्रीदुर्गाष्टोत्तरशतनामस्तोत्रम् 

ईश्र्वर उवाच 

शतनाम प्रवक्ष्यामि श्रृणुष्व कमलानने । 

यस्य प्रसादमात्रेण दुर्गा प्रीता भवेत् सती ॥ १ ॥ 

ॐ सती साध्वी भवप्रीता भवानी भवमोचनी । 

आर्या दुर्गा जया चाद्या त्रिनेत्रा शूलधारिणी ॥ २ ॥ 

पिनाकधारिणी चित्रा चण्डघण्टा महातपाः । 

मनो बुद्धिरहङ्कारा चित्तरुपा चिता चितिः ॥ ३ ॥ 

सर्वमन्त्रमयी सत्ता सत्यानन्दस्वरुपिणी । 

अनन्ता भाविनी भाव्या भव्याभव्या सदागतिः ॥ ४ ॥ 

शाम्भवी देवमाता च चिन्ता रत्नप्रिया सदा । 

सर्वविद्या दक्षकन्या दक्षयज्ञविनाशिनी ॥ ५ ॥ 

अपर्णानेकवर्णा च पाटला पाटलावती । 

पट्टाम्बरपरीधाना कलमञ्जीररञ्जिनी ॥ ६ ॥ 

अमेयविक्रमा क्रूरा सुन्दरी सुरसुन्दरी । 

वनदुर्गा च मातङ्गी मतङ्गमुनिपूजिता ॥ ७ ॥ 

ब्राह्मी माहेश्र्वरी चैन्द्री कौमारी वैष्णवी तथा । 

चामुण्डा चैव वाराही लक्ष्मीश्च पुरुषाकृतिः ॥ ८ ॥ 

विमलोत्कर्षिणी ज्ञाना क्रिया नित्या च बुद्धिदा । 

बहुला बहुलप्रेमा सर्ववाहनवाहना ॥ ९ ॥ 

निशुम्भशुम्भहननी महिषासुरमर्दिनी । 

मधुकैटभहन्त्री च चण्डमुण्डविनाशिनी ॥ १० ॥ 

सर्वासुरविनाशा च सर्वदानवघातिनी । 

सर्वशास्त्रमयी सत्या सर्वास्त्रधारिणी तथा ॥ ११ ॥ 

अनेकशस्त्रहस्ता च अनेकास्त्रस्यधारिणी । 

कुमारी चैककन्या च किशोरी युवती यतिः ॥ १२ ॥ 

अप्रौढा चैव प्रौढा च वृद्धमाता बलप्रदा । 

महोदरी मुक्तकेशी घोररुपा महाबला ॥ १३ ॥ 

अग्निज्वाला रौद्रमुखी कालरात्रीस्तपस्विनी । 

नारायणी भद्रकाली विष्णुमाया जलोदरी ॥ १४ ॥ 

शिवदूती कराली च अन्नता परमेश्र्वरी । 

कात्यायनी च सावित्री प्रत्यक्षा ब्रह्मवादिनी ॥ १५ ॥ 

य इदं प्रठेतन्नित्यं दुर्गानामशताष्टकम् । 

नासाध्यं विद्यते देवि त्रिषु लोकेषु पार्वति ॥ १६ ॥ 

धनं धान्यं सुतं जायां हयं हस्तिनमेव च । 

चतुर्वर्गं च तथा चा्न्ते लभेन्मुक्तिं च शाश्वतीम् ॥ १७ ॥ 

कुमारीं पूजयित्वा तु ध्यात्वा देवीं सुरेश्वरीम् । 

पूजयेत् परया भक्त्या पठेन्नामशताष्टकम् ॥ १८ ॥ 

तस्य सिद्धिर्भवेद् देवि सर्वैः सुरवरैरपि । 

राजानो दासतां यान्ति राज्यश्रियमवाप्नुयात् ॥ १९ ॥ 

गोरोचनालक्तककुङ्कुमेन 

सिन्दूरकर्पूरमधुत्रयेण । 

विलिख्य यन्त्रं विधिना विधिज्ञो । 

भवेत् सदा धारयते पुरारिः ॥ २० ॥ 

भौमावास्यानिशामग्रे चन्द्रे शतभिषां गते । 

विलिख्य प्रपठेत् स्तोत्रं स भवेत् सम्पदां पदम् ॥ २१ ॥ ॥ 

इति श्रीविश्वसारतन्त्रे श्रीदुर्गाष्टोत्तरशतनामस्तोत्रमं सम्पूर्णम् ॥
Shri DurgaShtottarShatNam Stotra 

 श्रीदुर्गाष्टोत्तरशतनामस्तोत्रम्

Custom Search

Durga Kavacha (BrahmandaVijay Kavacha) दुर्गा कवचम् (ब्रह्मांडविजयं)

Durga Kavacha (BrahmandaVijay Kavacha)

This is a GoddessDurga Kavacha. It is in Sanskrit. It can be called as a prayer made to the goddess Durga for protecting our body and removing obstacles from our life. Name of this kavacha is BrahmandaVijay Kavacha). It is from, Brahmavaivarta Poorana. It is told to Maharshi Narad by God Narayan. O! Narad listen, I am telling you Kavacha of Goddess Durga. This was earlier told by god ShriKrishna in Vridavan of golok to god Brahma. Then it was told By God Brahma to God Shiva at the time of war with Demon Tripurasur. God Shiva then defeated and killed the demon. God Hari had given this kavacha to Gotam rushi ; who had given it to Padmasha who then defeated saptadipeshwar. Because of wearing and reciting this kavacha; God Brahma received knowledge and became powerful. God Shiva became Sarvadnyo and became Guru of yogis. Goutam rushi (who is like God Shiva) became head of all munies/rushies. 1 God Narayan is telling to Maharshi Narad; Rushi of this kavacha is Prajapati. Chanda is Gayatri. DurgatiNashini is goddess of this kavacha. For obtaining victory on this Brahmanda this kavacha is used. This kavacha is very holy and very powerful. Let mantra: ‘Om durgatiNashinai swaha’ protects my head. Let mantra: ‘Om hrim’ protect my forehead. Let mantra: ‘Om Hrim Shrim’ always protects my both eyes. I bow to Durga devi and ask her to protect my both ears. Let mantra: ‘Om Hrim Shrim’ always protects my nose. Let mantra: ‘hrim shrim hum’ protects my teeth. Let mantra: ‘clim’ protects my lips. Let mantra krim, krim, krim protects my throat and let Goddess Durga protects my Gandam (cheeks), neck. 2. Let ‘Durgavinashinai Swaha’ always protects my shoulders. Let ‘vipadvinashinai swaha’ always protects my chest. Let mantra: ‘Durge Durge’ protects my naval. Let mantra: ‘Durge Durge Raksha Raksha’ protects my back. Let mantra: ‘Om hrim Durgayai swaha’ always protects my hands, feet and whole body. Let Goddess Mahamaya protects me from east. Let Goddess Kalika protects me from south-east. Let Daksha-Kanya protects me from south. Let Shivsundari protects me from south-west. Let Parvati protects me from west. Let Goddess Varahi protects me from north-east. Let Mother of Kubera protects me from north. Let Ishwari protects me from north-west. Let Goddess Narayani protects me from above. Let Goddess Ambika protects me from down (the nadir). In sleep and when I am awake; Let Goddess of knowledge protects me. 3. O! My son, I told you this kavacham; and the name of this kavacham is BrahmandVijay kavacha. By taking a bath at holy places or by performing Yagnyas whatever good fruits we receive; we receive same or even better fruits by reciting this Kavacha. Performing pooja of Guru by offering him sandal paste, clothes and ornaments and after taking his blessings, one should wear this kavacha around his throat/neck or around his shoulder. Such a person then becomes victorious by destroying his enemies. The devotee who knows this kavacham; and who worship or recites the mantra one billion times of Goddess Durga, without reciting this kavacham, never receives Sidhi of the mantra. O! Narad I have told this kavacha to you. You are not supposed to give it to everybody who is not a right person to receive it. Thus here completes this Durga Kavacha/BrahmandaVijay Kavacha which is from Brahmavaivarta Poorana and told by God Narayan to Narad.

दुर्गा कवचम् (ब्रह्मांडविजयं) 

नारायण उवाच 

श्रुणु नारद वक्ष्यामि दुर्गायाः कवचं शुभम् I 

श्रीकृष्णेनैव यद् दत्तं गोलोके ब्रह्मणे पुरा II 

ब्रह्मा त्रिपुरसंग्रामे शंकराय ददौ पुरा I 

जघान त्रिपुरं रुद्रो यद् धृत्वा भक्तिपूर्वकम् II 

हरो ददौ गौतमाय पद्माक्षाय च गौतमः I

यतो बभूव पद्माक्ष: सप्तद्वीपेश्वरो जयी II 

यद् धृत्वा पठनाद् ब्रह्मा ज्ञानावाश्क्तिमान् भुवि I

शिवो बभूव सर्वज्ञो योगिनां च गुरुर्यतः I

शिवतुल्यो गौतमश्च बभूव मुनिसत्तमः II 

ब्रह्मांडविजयस्यास्य कवचस्य प्रजापतिः I 

ऋषिःछन्दः च गायत्री देवी दुर्गतिनाशिनी II 

ब्रह्मांडविजये चैव विनियोगः प्रकीर्तितः I 

पुण्यतीर्थं च महतां कवचं परमाभ्दुतम् II 

ओम ह्रीं दुर्गतिनाशिन्यै स्वाहा मे पातु मस्तकम् I 

ओम ह्रीं मे पातु कपालं च ओम ह्रीं श्रीमिति लोचने II 

पातु मे कर्णयुग्मं च ओम दुर्गायै नमः सदा I 

ओम ह्रीं श्रीमिति नासां मे सदा पातु च सर्वतः II 

ह्रीं श्रीं ह्रूमिती दंतानि पातु क्लीमोष्टयुग्मकम् I

क्रीम् क्रीम् क्रीम् पातु कंठं च दुर्गे रक्षतु गण्डकम् I

स्कन्धम् दुर्गविनाशिन्यै स्वाहा पातु निरन्तरम् I 

वक्षो विपद्विनाशिन्यै स्वाहा मे पातु सर्वतः II 

दुर्गे दुर्गे रक्षिणीति स्वाहा नाभिं सदावतु I 

दुर्गे दुर्गे रक्ष रक्ष पृष्टं मे पातु सर्वतः II 

ओम ह्रीं दुर्गायै स्वाहा च हस्तौ पादौ सदावतु I 

ओम ह्रीं दुर्गायै स्वाहा च सर्वांगम् मे सदावतु II 

प्राच्यां पातु महामाया आग्नेय्याम् पातु कालिका I 

दक्षिणे दक्षकन्या च नैर्ऋत्यां शिवसुंदरी II 

पश्चिमे पार्वती पातु वाराही वारुणे सदा I

कुबेरमाता कौबेर्यामैशान्यामीश्वरी सदा II 

ऊर्ध्व नारायणी पातु अंबिकाधः सदावतु I 

ज्ञाने ज्ञानप्रदा पातु स्वप्ने निद्रा सदावतु I 

इति ते कथितं वत्स सर्व मंत्रौघविग्रहम् I

ब्रह्मांडविजयं नाम कवचं परमाभ्दुतम् II 

सुस्नातः सर्वतीर्थेषु सर्वयज्ञेषु यत् फलं I 

सर्वव्रतोपवासे च तत् फलं लभते नरः II 

गुरुमभ्यर्च्य विधिवद् वस्त्रालंकारचंदनै: I 

कंठे वा दक्षिणे बाहौ कवचं धारयेत्तु यः II 

स च त्रैलोक्यविजयी सर्वशत्रुप्रमर्दकः I

इदं कवचमज्ञात्वा भजेद् दुर्गतिनाशिनीम् II 

शतलक्षप्रजप्तोSपि न मंत्र: सिद्धिदायकाः II 

कवचं काण्वशाखोक्तमुक्तं नारद सुंदरम् I

यस्मै कस्मै न दातव्यं गोपनीयं सुदुर्लभम् II 

इति श्रीब्रह्मवैवर्तपुराणे गणपतीखंडे ब्रह्मांडविजयं नाम दुर्गाकवचं संपूर्णं II

दुर्गा कवच मराठी अर्थ:

श्री नारायण नारदाला सांगत आहेत. नारदा ! फार प्राचीनकाळी श्रीकृष्णाने गोलाकामध्ये ब्रह्मदेवाला जे शुभप्रद कवच दिले, त्याचे वर्णन मी करत आहे. नंतर ब्रह्मदेवाने हे कवच शंकरांना दिले. ज्याचे भक्तीपूर्वक धारण करून श्री शंकरांनी त्रिपुरासुराचा संहार केला. नंतर शंकरांनी गौतमला व गौतमाने पद्माक्षाला दिले. ज्याच्या प्रभावाने पद्माक्ष विजयी होऊन सप्त द्वीपांचा अधिपती झाला. जे वाचून, पठण करून व धारण करून ब्रह्मा ज्ञानवान व शक्तिमान झाले. ज्याच्या प्रभावाने श्री शंकर सर्वज्ञ व योग्यांचे गुरु झाले. मुनी श्रेष्ठ शिवतुल्य मानले जाऊ लागले. या ब्रह्मांडविजय नावाच्या कवचाचे प्रजापती हे ऋषी आहेत. गायत्री छन्द आहे. दुर्गतिनाशिनी दुर्गा देवी आहे. ब्रह्मांडावर विजय मिळविण्यासाठी याचा विनियोग केला जातो. हे परम अद्भुत कवच महापुरुषांसाठी पुण्यतीर्थ आहे.

कवच्याची सुरुवात:

"ओम ह्रीं दुर्गतिनाशिन्यै स्वाहा" हा मंत्र माझ्या मस्तकाचे रक्षण करो. "ओम ह्रीं" हा मंत्र माझ्या कपाळाचे व "ओम ह्रीं श्रीं" हा मंत्र माझ्या डोळ्यांचे रक्षण करो. "ओम दुर्गायै नमः" हा मंत्र माझ्या दोन्ही कानांचे रक्षण करो. "ओम ह्रीं श्रीं" हा मंत्र नेहमी सर्व बाजूनी माझ्या नाकाचे रक्षण करो. "ह्रीं श्रीं हूं" हा मंत्र माझ्या दातांचे आणि "क्लीं" हा मंत्र माझ्या दोन्ही ओठांचे रक्षण करो. "क्रीम् क्रीम् क्रीम्" हा मंत्र माझ्या कंठाचे रक्षण करो. "दुर्गे" हा मंत्र गालांचे रक्षण करो. "दुर्गविनाशिन्यै स्वाहा" हा मंत्र नेहमी माझ्या खांद्यांचे रक्षण करो. " विपद् विनाशिन्यै स्वाहा" हा मंत्र सर्व बाजूनी माझ्या वक्ष:स्थळाचे रक्षण करो. "दुर्गे दुर्गे रक्षणीति स्वाहा" हा मंत्र नेहमी माझ्या नाभिचे रक्षण करो. "दुर्गे दुर्गे रक्ष रक्ष" हा मंत्र नेहमी सर्व बाजूनी माझ्या पाठीचे रक्षण करो. "ओम ह्रीं दुर्गायै स्वाहा" हा मंत्र नेहमी माझ्या हाता पायांचे रक्षण करो. "ओम ह्रीं दुर्गायै स्वाहा" हा मंत्र नेहमी माझ्या सर्वांगाचे रक्षण करो. पूर्व दिशेकडून महामायेने माझे रक्षण करावे. आग्नेय दिशेकडून कालिकामाताने माझे रक्षण करावे. दक्षिण दिशेकडून दक्षकन्येने माझे रक्षण करावे. आणि नैरुत्येकडून शिवसुन्दरीने माझे रक्षण करावे. पश्चिमे कडून पार्वतीने, वायव्येकडून वाराहीने, उत्तरेला कुबेरमातेने आणि ईशान्येला ईश्वरीने नेहमी माझे रक्षण करावे. ऊर्ध्वेला नारायणीने व अध दिशेला अंबिकेने माझे नेहमी रक्षण करावे. जागेपणी ज्ञानप्रदेने व झोपल्यावर निद्रादेवीने माझे रक्षण करावे.

फलश्रुती:

वत्सा! अशा प्रकारे मी तुला हे "ब्रह्मांडविजय" नावाचे कवच सांगितले. हे परम अद्भुत व सर्व मंत्रांचे मुर्तिमान स्वरूप आहे. सर्व तीर्थक्षेत्री स्नान करून, सर्व प्रकारच्या यज्ञांचे अनुष्ठान करून तसेच सर्व प्रकारचे उपवास करून जे फल प्राप्त होते ते फल या कवच्याला धारण करून मिळते. जो विधीपूर्वक वस्त्र, अलंकार आणि चंदनाने गुरूंची पूजा करून या कवच्याला गळ्यांत किंवा उजव्या दंडावर धारण करतो तो सर्व शत्रूंचा पराभव करून त्रैलोक्यांत विजयी होतो. जो हे कवच न जाणता दुर्गतिनाशिनी दुर्गाचे भजन, नामस्मरण करतो; त्याचा मंत्र एक करोडवेळा जपूनही सिद्धिदायक होत नाही. नारदा! हे कण्वशाखोक्त सुंदर कवच, ज्याचे मी वर्णन केले ते अत्यंत गुप्त व दुर्लभ आहे. हे ज्याला त्याला (अश्रद्धावान माणसाला) सांगू नये. अश्या रीतीने हे ब्रह्मवैवर्त पुराणांतील गणेशखंडांतील दुर्गा कवच (ब्रह्मांडविजय) संपूर्ण झाले.

Durga Kavacha (BrahmandaVijay Kavacha)

Custom Search