SarveshtaPradam Gajanan Stotram
SarveshtaPradam Gajanan Stotram is in Sanskrit. It is created by Kapil Muni. It is from Mudgal Purana.
सर्वेष्टप्रदं गजानन स्तोत्रम्
श्रीगणेशाय नमः ।
कपिल उवाच ।
नमस्ते विघ्नराजाय भक्तानां विघ्नहाारिणे ।
अभक्तानां विशेषेण विघ्नकर्ते नमो नमः ॥ १ ॥
आकाशाय च भूतानां मनसे चामरेषु ते ।
बुद्ध्यैरिन्द्रियवर्गेषु त्रिविधाय नमो नमः ॥ २ ॥
देहानां बिन्दुरुपाय मोहरुपाय देहिनाम् ।
तयोरभेदभावेषु बोधाय ते नमो नमः ॥ ३ ॥
सांख्याय वै विदेहानां संयोगानां निजात्मने ।
चतुर्णां पञ्च मायैव सर्वत्र ते नमो नमः ॥ ४ ॥
नामरुपात्मकानां वै शक्तिरुपाय ते नमः ।
आत्मनां रवये तुभ्यं हेरम्बाय नमो नमः ॥ ५ ॥
आनन्दानां महाविष्णुरुपाय नेति धारिणाम् ।
शंकराय च सर्वेषां संयोगे गणपाय ते ॥ ६ ॥
कर्मणां कर्मयोगाय ज्ञानयोगाय जानताम् ।
समेषु समरुपाय लम्बोदर नमोऽस्तु ते ॥ ७ ॥
स्वाधीनानां गणाध्यक्ष सहजाय नमो नमः ।
तेषामभेदभावेषु स्वानन्दाय च ते नमः ॥ ८ ॥
निर्मायिकस्वरुपाणामयोगाय नमो नमः ।
योगानां योगरुपाय गणेशाय नमो नमः ॥ ९ ॥
शान्तियोगप्रदात्रे ते शान्तिमयाय च ।
किं स्तौमि तत्र देवेश अतस्त्वां प्रणमाम्यहम् ॥ १० ॥
ततस्तं गणनाथो वै जगाद भक्तमुत्तमम् ।
हर्षेण महता युक्तो हर्षयन्मुनिसत्तम ॥ ११ ॥
श्रीगणेश उवाच ।
त्वया कृतं मदीयं यत्स्तोत्रं योगप्रदं भवेत् ।
धर्मार्थकाममोक्षाणां दायकं प्रभविष्यति ॥ १२ ॥
वरं वरय मत्तस्त्वं दास्यामि भक्तियंत्रितः ।
त्वत्समो न भवेत्तात तत्वज्ञानप्रकाशकः ॥ १३ ॥
तस्य तद्वचनं श्रुत्वा कपिलस्तमुवाच ह ।
त्वदीयामचलां भक्तिं देहि विघ्नेश मे पराम् ॥ १४ ॥
त्वदीयभूषणं दैत्यो हत्वा सद्यो जगाम ह ।
ततश्र्चिन्तामणिं नाथ तं जित्वा मणिमानय ॥ १५ ॥
यदाहं त्वां स्मरिष्यामि तदात्मानं प्रदर्शय ।
एतदेव वरं पूर्णं देहि नाथ नमोऽस्तु ते ॥ १६ ॥
गृत्समद उवाच ।
तस्य तद्वचनं श्रुत्वा हर्षयुक्तो गजाननः ।
उवाच तं महाभक्तं प्रेमयुक्तं विशेषतः ॥ १७ ॥
त्वया यत्प्रार्थितं विष्णो तत्सर्वं प्रभविष्यति ।
तव पुत्रो भविष्यामि गणासुरवधाय च ॥ १८ ॥
॥ इति श्रीमुद्गलपुराणे कपिलमुनिना विरचितं गजाननस्तोत्रं संपूर्णम् ॥
SarveshtaPradam Gajanan Stotram
सर्वेष्टप्रदं गजानन स्तोत्रम्
Custom Search
No comments:
Post a Comment